Нертә бичәчин төрскн һазрт

Сегодня, 10:12 | Общество, Таңһчин зәңгс, Зіњг, Сойл

Хулһн сарин 21-әс авн 23 күртл Ростовин мүҗин Вешенка күүтрт нертә орс бичәч Михаил Шолоховин төрскн һазрт хазгудын сурһуль-эрдмин бүрдәцсин багшнрин наадм-марһан болв. «Казачья доблесть, дух и слава!» гидг керг-үүлдврт Әрәсән регионмудын 100 һар багш орлцв.
Гиичнрин төлә соньн һәәхүлмүд бүрдәгдв, Михаил Шолоховин «Тихий Дон» нертә музейд наадмин керг-үүлдврмүд болв. Бичкдүдин музейин төвин сурһулин хораст наадмд орлцачнр дамшлтарн хувалцҗ, музейин үүлдврлә таньлдв. «Шолоховин музей - бичкдүдт» гидг дөңцл олзлад, багшнрт бичкдүдлә, арвтнрла болн оютнрла ямаран көдлмш давулгддгин тускар келгдв. Ульяновск, Әәдрхнә болн Ростовин мүҗсин багшнр болн сурһмҗлачнр дамшлтарн хувалцв. Бичкдүдин садмудын, дунд болн кадетск сурһульмудын көдләчнр күүндврт шунмһаһар орлцв.

БАТАН Сәәхлә

Видео