Намрин тәрән тәргдв

Сегодня, 10:58 | Общество, Таңһчин зәңгс, Зіњг

Хальмг Таңһчд 2027 җилд хурагдх намрин тәрә тәрлһнә керг-үүлдврмүд төгсчәнә. Агротехническ болн талдан ирлцңгү көдлмш цаг-болзгтан күцәгдв, гиҗ темдглх кергтә.
Дааврта көдлмш күцәхд теңгрин бәәдл бас туслснь лавта. 2027 җилин зурала ирлцҗ 237,2 миңһн аһу гектар һазрт намрин тәрән тәргдв. Энүнәс 229,2 миңһн гектар аһу һазрт цаһан буудя, 2,6 миңһн гектар һазрт хар буудя, 3,3 миңһн гектар аһу һазрт ичмә тәргдсн болдг.
Таңһчин фермермүд агротехническ керг-үүлдврмүд күцәсн деерән терүнәс нань сән чинртә экәр теткгдхәр бас зүткчәнә. Яшкулянка, Байр, Хаср болн Хамдан цаһан буудян экн «Россельхозцентр» ФГБУ-н әңгд шинҗлгдсн билә. Эннь үвлин киитнд болн хур-чиг уга таалд чигн сәәнәр урһна.
Эн җилин урһц хуралһна ашар 1 сай тонн буудя хураҗ авгдв. Ирх җилд селәнә эдл-ахун арһлачнр цааранднь чигн элвг урһц хураҗ авхар шунҗана.
ОЛЬДАН Цаһан

Видео