Сурєулин учрежденьст немр орм тогтагдх

07-08-2019, 14:16 | Таңһчин зәңгс » Сурєуль-эрдм

Ґцклдўр «Калмыкия» РИА-н барин Цутхлњд болсн брифингд Элст балєсна администрацин толєачин дарукс Истя Мушаев болн Виктория Эрднеева журналистнрлі харєв. Дааврта єардачнр хотл балєсна сурєуль-эрдмин учрежденьсиг шин сурєулин љилд белдлєні, бичкдўдин зуни амрлє бўрділєні, хуучрад нурад унљах гермўдіс імтиг нўўлєљ авлєна халхд кўцігдљіх керг-ўўлдврмўдин тускар тооцаєан ґгв.
Харєлтын эклцір И.Мушаев эн љил балєсна школмудыг 787 сурєульч тґгсісні тускар келід, нурєлљ эдн шўўврін сіінір ґгв гив. Эдніс 10 сурєульч ЕГЭ йилєін сіінір ґгід, 100 балл хоршав. Хотл балєсна школмуд тґгсідг сурєульчнр гўн медрл ўзўлљ, Ірісін нўўрлгч вузмудт ордгнь бас темдгті. Шин сурєулин љилд балєсна школмудт 15929 сурєульч сурхмн, тедніснь 1764 кўўкн-кґвўн 1-ч класст орхмн. Эн ґдрмўдт шишлњ комиссь балєсна дошкольн учрежденьс болн школмуд шин сурєулин љилд белн бііх угаєинь бўрткљіні.
- Сурєулин учрежденьст немр орм тогталєна программар хотл балєсна 7 бичкдўдин садт 40 ормта біірн тосхгдхмн. Тиигід, балєсна 22-ч, 24-ч болн 26-ч тойгудта бичкдўдин садмудт шин біірн эдлврт орулгдсн бііні. Удл уга 10-ч, 20-ч, 25-ч болн 29-ч тойгудта бичкдўдин садмудт бас тиим біірн байрин біідлд секгдх. Ґґрхн иргчдін 4-ч болн 5-ч тойгудта МКДОУ-д бас 40 кўн, 14-ч тойгта бичкдўдин садт болхла 20 кўн ордг багмудын тґлі шин біірн тосхгдх. Эн программар 340 немр орм тогтагдхмн гиљ зуралгдљана. Тер мет 2021 љилд Элстин лицейд, 2022 љилд – Техническ лицейд шин біірн тосхгдхмн. 2021 љилд Элстин Южный районд Н.Шапшукован нерті уульнцд шин школын тосхлт эклх зґвті, - гиљ Истя Михайлович келв.
Дорас ґсч йовх бичкдўдин болн баєчудын цогц-махмуд батруллєна, тґрскнч сурємљ ґглєні тґрмўд балєсна администрацин єол оньгт бас бііхиг И.Мушаев онц темдглід, спортивн секцс болн клубмуд микрорайон болєнд ўўлдљіхиг заав. «Эпос» гидг баєчудын олна организац шишлњ марєаст орлцад, грант шўўљ авад, спортивн талвњ тосхна, эдні ўўлдвриг бидн дґњннівидн гиљ эн хувалцв.
Бає наста ґрк-бўлмўдиг дґњнлєні, эдниг гер-бўўрір тетклєні программ хотл балєснд му бишір кўцігдљіхиг дааврта єардачнр темдглв. 2008 љиліс авн кўцігдљіх программар 373 ґрк-бўл гер-бўўрин таалан ясв. Эн кергт 148 сай арслњ эн љилмўдин эргцд йилєгдв. Эн љил дікід 24 баахн ґрк-бўл эн программд орлцад, гер-бўўрір теткгдхмн.
Хотл балєснд хуучн гермўдіс імтиг нўўлєљ авлєна программин тускар В.Эрднеева келљ ґгв. Эн программ бас 2008 љиліс авн біідл-љирєлд тохрагдљана. Эн љилмўдин эргцд 77 хуучн гермўдт біісн 3108 кўн шин гер-бўўрір теткгдв. Эдні тґлі 29 патьр хулдљ авгдв, 15 олн давхр гермўд тосхгдв. Эн кергт 1 љува 350 сай арслњ олзлгдв гиљ Виктория Викторовна тооцаєан ґгв. «2012 љилин январь сарин эклц кўртл нурад унљах хуучн гермўдин тоод орсн гермўдт біідг улс 2025 љил кўртл таалан ясрулљ чадхмн. Эн программар 6-ч микрорайона 53-ч болн 54-ч тойгудта, 3-ч микрорайона 5-ч тойгта болн Горькийин нерті уульнцин 8-ч тойгта гермўдт біідг 284 кўн шин гер-бўўрір теткгдхмн. Эн программ зурєан девсњгір эн љиліс авн эклід кўцігдх»,- гиљ В.Эрднеева товчлв.

Наталья ДАВАЕВА

Видео