Хальдврта гемәс гетлүлхәр

16-04-2020, 18:36 | Таңһчин зәңгс » Зіњг

Элст балһснд хальдврта гем түглһиг хөрхин төләд цааранднь көдлмшән кегдҗәнә. Өдр болһн хальдвр уга кедг шишлң эв-арһ олзлҗ, балһсна объектс, тер тоод олн давхр гемрүдиг болн олн улс йовдг һазриг цеврүлҗәнә. Элстин администрацин онц оньгт олн давхр гермүд бәәнә. Залврин компаньс гермүд дотрк болн һазакинь цеврлнә. Олн улс олзлдг орсмт күн һар күрдг тоотыг шишлң эв-арһ олзлҗ, арчҗ цеврлнә. Эннь олн давхр гермүдин үүднә, терзмүдин, давшурин бәрүлмүд, поштын яршгуд, лифтин кабинмүд, нань чигн тоотыг хальдвриг уга кедг шишлң эв-арһ олзлҗ арчна.
Әмтн хальдвриг уга келһнә «Анолит» урсхлыг балһсна көк эдл-ахуд авч чадҗана. Залврин компансьт эн шишлң урсхулыг «Элиставодоканал» МУП-д түгәҗ өгчәнә. Олн зүсн организацст, онц арһлачнрт энүг «Энергосервис» АО-д авч болхмн. Удлго балһсна талдан чигн һазрт хальдвр уга кедг урсхул өглһнә пунктс секгдхмн.
Балһсна көк эдл-ахун көдләчнр өдр болһн олн улс хурдг һазриг цеврүлҗәнә. Хальдврта гем түглһнәс хөрхин төләд уульнцс, паркс, бичкдүдин талвңгуд, хаалһс, тротуармуд, автобусин зогсалмуд, тууҗин болн сойлын комплексмүд, нань чигн олн зүсн һазриг шишлң урсхулар эд-бод кеҗәнә. Тер мет йовһн улс йовдг тагтм цеврүлгднә.
Хаалһин шишлң машид хальдвр уга кедг урсхулар балһсна хаалһс болн хаалһин хаҗудк һазриг эд бод кев. Энүнәс урд шишлң техник хаалһсиг шора-тоснас болн бальчгас цеврүлв.

АРЗАН Маргарита

Хальдврта гемәс гетлүлхәр

Видео