Хаалһ ясчана

08-05-2020, 11:46 | Таңһчин зәңгс » Зіњг

Аршан селәнә өөр-шидр региональн хаалһиг ясчана. Эннь «Элст-Арзгир-Минеральные Воды» региональн хаалһин участкд ясврин көдлмш кегдҗәнә. Хаалһин девскрин деерк даврхинь шинрүлҗ тегшлҗәнә. Эн зүсн көдлмшиг июнь сард төгсәхәр зуралҗана. Подрядн организац хаалһин девскрин деерк давхринь ясҗ тегшлснә хөөн талдан зүсн-зүүл көдлмшиг эклх. Зеткр учрх әәмшгтә ормиг халхлҗах хашасиг цуцлҗ, шиниг дәкнәс тәвхмн.
Энүнәс нань ясврин йовудт хаалһд темдгллһнә татас зурхмн, докьяллһна 98 бахн, 65 хаалһин темдг, 124 катафот углҗ тәвгдх, хаалһин әәмшгтә ормст 1280 метрт зеткрәс гетлүлхин төләд хашас тәвхмн.
Тер мет төсвин-тооцана цааснла ирлцәтәһәр нань чигн зүсн-зүүл ясврин көдлмш кегдхмн. Хаалһин хаҗудк һазриг болн хаалһин амнд бәәх хотхрмудыг ясхмн. Подрядн организац цуг ясврин көдлмшиг темдглсн зураһар күцәҗәнә. Темдглхд, «Элст-Арзгир-Минеральные Воды» гидг региональн хаалһиг «Әәмшг уга болн сән чинртә көлгн-күчнә хаалһс» гидг келн-улсин төсвиг күцәлһнә йовудт ясчана.

Мана зәңгч

Хаалһ ясчана

#БКАД#ДорогиРеспубликиКалмыкия#Калмыкия08

Видео