Күч-көлс харлһна һәәхүл

23-10-2020, 15:23 | Таңһчин зәңгс » Зіњг

Хальмг Таңһчин социальн делгрлтин, күч-көлснә болн көдлмшәр тетклһнә министерств зәңглсәр, хөрн дөрвн җилдән давулгдҗах «Әәмшг уга бәәлһн болн күч-көлс харлһн БИОТ-2020» гидг нарт-делкән хург болн һәәхүл түрүн болҗ онлайн кевәр болхмн. Эн керг-үүлдвр бар сарин 8-с авн 11 күртл давулгдх.
Коронавирус гем түгәд нәрн бәәдл тогтснас иштә һәәхүлд шунмһаһар орлцачнрла күүндснә хөөн БИОТ -2020 гидг керг-үүлдвриг онлайн кевәр давулх шиидвр авгдв. Удл уга BIOTEXPO.ONLAIN гидг хургин сайт үүлдврән эклхмн, терүнд онлайн керг-үүлдврин көтлвр барлгдхмн. Өдгә цага эв-арһс олзлҗ эн керг-үүлдврт орлцачнр соньмсулҗах төрмүдәр болх күүндврт, харһлтд орлцхан эртәснь шүүҗ авч чадҗана. Виртуальн павильонмудт саглуллһна онц кегдлмүд (СИЗ) кеҗ һарһдг үүлдврмүдин һәәхүл болхмн.
Авьяст тохрсар эн керг-үүлдвриг Әрәсән күч-көлснә болн социальн харслтын министерств саглуллһна онц кегдлмүд үүдәж болн кеҗ һарһачнрин Ассоциацла хамдан бүрдәнә. Пандемийин цагт күч-көлс харлһна болн хальдврта гемәс хөрлһнә халхд саглуллһна кегдлмүд олзллһна төрмүд чинртә болҗахас иштә таңһчин социальн делгрлтин министерств бүрдәцс-үүлдврмүдин һардачнрт онлайн кевәр болх керг-үүлдврт орлцх үрвр кеҗәнә.

ДООҖАН Наталья

Видео