Әәмшгтә гем илдкгдв

18-11-2020, 15:00 | Таңһчин зәңгс » Зіњг

Үкр сарин 18-ә өдрин темдглсәр Моңһл Улст короновирусар гемтсн 455 күн илдкгдв.
Түрүн болҗ үкр сарин 10-д хамгин олн гемтсн күн Сэлэнгэ әәмгт олдгдв. Яһад гихлә эн әәмгт Әрәсән болн Моңһл Улсин хоорндк меҗән харул бәәнә. Тегәд Әрәсәһәс ирсн җолачнр эрк биш энд һаалин (таможенный) бүрткл кеһәд, удан зогсна. Тегәд моңһл улсин җолачнр Әрәсән Бурятьд гем хальдад, гиигн кевәр эс гиҗ медмҗән угаһар давҗах йосар гемтәд, нутгтан авч ирсн маһд гиҗ эмчнр келҗәнә. Ода эн әәмгин Сухэбаатар балһснд цуг улст тест авад некврмүдиг күцәҗәнә. Бас нег күн Дархан-Уул әәмгт, болн Улан-Баатрт илкгдсн бәәнә.
Ода деерән Улан-Баатрин эмнлһсин улд үүлдҗәдг госпитальд 445 күн эмнлһн авсн бәәнә. Эднәс 329 күн эмлһ авад эдгсмн. 17 күн эмнлһнд бәәнә. 7 хәр һарза күн нутгурн йовулгдв. Эн гем һарад түгснәс авн Моңһл Улст эн гемәр гемтсн тиим олн күн илдкгдәд уга билә. Түрүн өдрәс авн әмтн цуһар даавран медҗ, цуг некврмүдиг күцәҗ олна көлгнд, хулд-гүүлгәнә болн нань олн күн цуглрдг һазрт чирәдән хааһул өмсҗ саглуллһна керг-үүлдврмүд күцәдг билә. Ода болхла Улан-Баатрин, талдан балһсдин бәәрн цуг улс хойр долан хонг гертән суух йоста гиҗ шиидвр авгдсмн.

Манҗин Намру

Видео