Сән чинртә хаалһс тосхгдх

20-11-2020, 15:51 | Таңһчин зәңгс » Зіњг

Шидр Хальмг Таңһчин правительствин Ахлач Юрий Зайцев болн энүнә дарук Наран Кюкеев Әрәсән көлгн-күчнә министрин үүл дааҗадг Александр Нерадькон һардврт видеоконференц залһлдана эв-арһар болсн селвлцәнд орлцв. Терүнд 2020 җилд «Әәмшг уга болн сән чинртә хаалһс» гидг келн-улсин төсвин халхар күцәгдсн көдлмшин аш диглгдв болн ирх җилд кех-күцәх керг-үүлдврмүдин зура батлгдв.
Бас тер мет селвлцәнд эн келн-улсин төсвин медлд 2030 җил күртл ямаран керг-үүлдврмүд батлхин, хаалһст әәмшг уга бәәдл тетклһнә болн зеткртә йовдлмудын то баһруллһна төр хаһлхин туст күцәх көдлмшин тускар келгдв.
Эн җил «Әәмшг уга болн сән чинртә хаалһс» гидг келн-улсин төсвәр мана таңһчд 80 километр хаалһ ясхмн гиҗ зуралгдҗана. Терүнәснь 59 дуунад региональн чинртә болн 21 дуунад бәәрн чинртә хаалһс болна. Дәкәд Элст балһснд болн таңһчд бәәдг хаалһст сән таал тогталһнд мөңгн йилһгдв. Эн җил батлгдх бәәсн 30 бооцанас ода деерән 28 бооцан батлгдсн бәәнә. Региональн чинртә болн Элст балһснд Волгоградская, Хомутниковин болн Веткалован нертә уульнцст ясгдсн объектин ик зунь белн бәәнә.

ДООҖАН Наталья

Видео