Олна кўчллєиг негдўлхмн

Мана медітнр оньдин шунлттаєар тањєчин болн орн-нутгин кергўдт орлцљ эврі хіліцін медўлљ туста кесг керг кўціљ хамцу кевір эвріннь олна организацин ханьд ўўлдљіні. Августын 14-д Элстд правительствин герт дііні болн кўч- кґлсні ветеранмудын олна организацин дарани пленум болв.

Энўг нўр ўгір тањєчин олна организацин ахлач Владимир Овечкин секід доклад кев. Мана єол тґр – ветеранмудын, пенсионермўдин сі хіілєн болљана, терўг бидн 27 љилин туршарт арднь орљ шунлттаєар кўціљінівидн. Сўл љилмўдт біідл- љирєлин кемљін ґсв, экономикин, сурєуль-эрдмин, сойлын делгрлтд бає биш кўцімљ бірсн біінівидн.

Тиим болв чигн пенсин кемљін икір ґсљіхш, тегід зірм мана медітнр нам ўсті-тоста хот-хоолан хулдљ авч чадхш. Љил ирвіс ўн ґсід, хот-хоолнь чигн ўнтірід йовна. Эднд невчк дґњ болхин тґлі дііні цагт тылд кґдлљ йовсн ветеранмудт пенсинь кесг холванд ґґдлўлљ дііні ветеранмудын статус эднд ґгхмн гиљ мана олна ветеранск организац тґр тівљіні.

ЖКХ-н халхд чигн хаєлх тґр бає биш, терўні тускар мана пенісионермўд болн ветеранмуд тасрхан угаєар келні. Яєад гихлі љил болєн ЖКХ - н тарифмўд ґсні. Герт дула оруллєна тґлі мґњгинь зірмнь счетчикір авна, наадк гермўдт тарифір авна. Тер ўн ідл биш, залврин кампань эн туст дигті-дарата біідл тогтаљ чадљахш. Тегіді дулана кўчні нормсин тускар тодрха кўўндвр кељ цугинь йилєљ авх кергті. гиљ В. Овечкин темгдвлв.

Пенсионермўдиг болн ветеранмудыг эмір тетклєні, цаглань стационарн эмнлєнд оруллєна халхар чигн кўціх бає биш тґр бііні. Эн туст мана организац ветеранмудын зґвинь харслєна ўўлдврін цааранднь чигн шунлттаєар кўціхір зуралљана.
2015 љилд бидн Тґрскін харсгч Алдр діінд диилвр бірсні 70 љилин ґґниг темдглхвидн. Тер диилврин ик чинринь баєчудт ціілєљ ґгх кергті. Тиим кґдлмшт мана ветеранмуд шунлттаєар орлцљана. Эдн Сталинградск болн Курск дуєуд болсн діілдіні 70 љилин ґґнд нерідсн керг-ўўлдврт орлцла, терўні тускар баєчудт келљ ґглі.

Болв мана дііні ветеранмудын тонь цґґкрід йовна, наснь чигн баєрљахш, тегід Афганистана болн нань чигн єазрт діілдінд орлцсн дундын наста ветеранмудыг эн кергт улм ґргір орлцулх кергті гиљ санљанав.

Мана пенсионермўд болн ветеранмуд тањєчин єардврин єол оньгт бііні, терўні тґлі бидн тањєчин Толєачин ўўл дааљах Алексей Орловд ханлтан ґргљінівидн. Алексей Маратович цуг райодар одад імтнлі харєљана, тедні хурц тґрмўдиг хаєлљана, ветеранмудт болн пенсионермўдт дґњ боллєна цуг тґриг оньгтан авч, бачм ўўлдвр кўціљіні.

Тер мет кўч-кґлсні сурємљин тускар мартљ болшго. Мана тањєчд Кўч-кґлсні кесг Герой біісмн, тедні тускар келљ ґгід тедніс ўлгўр авхмн, тедні тускар баєчудт улм ґргір келљ ґгхмн.

Мана цуг райодын эклц организацс цуг эн тґрір бас бає биш ўўлдвр кўціљіні, імтні неквриг кўціні. Мана ветеранмудын єоллгч советд эн љилин эргцд 61 кўн орљ ирід бас тґрін келљ некврін тівлі. Тер тоод инвалидмўд, пенсионермўд, єанцарн біідг медітнр эдні кергинь бидн эрк биш кўціх зґвтівидн гиљ тањєчин ветеранмудын олна организацин ахлач ўгін товчлв.
Дарунь кесг љилдін тањєчин єардврт болн правительствд кґдлљ йовсн кўндті ветеран Николай Кичапов ўг авч келв. Ірісін тоомрсиг єазадын ордудт ґґдлўлх кергті. Советск Союз діінд 27 сай иргнін геесмн. Тиим кевір фашизмиг диилсмн. Терўні тускар США-н болн Европин орн-нутгин мартсн біідлті. Тегід чигн ода фашистнрин хіліцті улс Украинд йос єартан авсмн, ода Ірісін мељін ґґр діілді кељіні. Тиим йовдлын тускар маднд, ветеранмудт, бас тоолврарн хувалцх кергті.

Мана экономикин тґрір ветеранмудын тоолвриг кўн медхір седхш, эднд болхла гўн медрл, олн љилин дамшлт бііні, эдн сўв -селвгін ґгхлі ик туста юмн болхнь лавта. Тиигхлі бидн цуг дуту-дундсиг уга кељ цуг тґриг хаєлљ чадхвидн, тањєчин єардврт тер тоотыг бас оньгтан авх кергті гиљ санљанав.

ЖКХ-н тґриг бас кесг љилдін хаєлљанавидн, болв ода кўртл юмн оњдарад уга. ЖКХ-н тарифин шинљллт кетн гиљ келгдлі, болв тернь ода кўртл кегдід уга. ЖКХ- н ўўлдвриг ўнн-чик кевір ўнлдг организац маднд уга, терўніс кґлті цуг дуту- дунд єарчана. Тегід дулана кўчні болн нань чигн хурц тґриг хаєлљ чаддг специалистнр мана тањєчд уга болљ єарчана эс гиљ тедниг олљ авдг, хамцулдг кўн ода уга болљана.

Ведомствин кґдлічнр чигн імтн тал ирід цугинь ціілєљ ґгх зґвті, імтніс іієід керг уга.

Алдр Диилврин ґґнин тускар бас келхір седлів. Энтн мана олн-улсин, мана орн-нутгин туурмљин ґґн болљана, терўг дигті-даратаєар, оньган ґгч тосљ байрин хургудыг сіінір бўрдіх кергті. Ода болхла тер хургудт тањєчин єардврас кўн ирхш, мэр ирхлі сін. Тґрскін харсгч Алдр дііні ветранмудын то ода йир цґґкн, тедниг цугтаєинь «Тґрскнд кўргсн ач - тусин тґлі» гидг орденір ачлхмн гисн селвгін орулљанав. Тылын ветеранмудт пенсинь икдўлљ эс гиљ 2-3 мињєн арслњга дем ґгх кергті гиљ бас тоолвран келхір седлів.

Дікід ветеран Ольга Иванова эрўл-менд харлєна кґдлічнр Алдр диилврин 70 љилин ґґнд яєљ белдљіхин тускар тодрхаєар келљ ґгв. Эдні отраслин тууљин туск музейиг ґґн кўртл шиніс бўрдіх кергті гиљ ветеран селвгін ґгв. Урднь музей медицинск колледжд бііршлљісмн. Тањєчин єардвр Элстин ветеранмудла чигн харєлт кех зґвті, тиигхлі хотл балєсна кесг тґр хаєлљ болхмн гиљ Ольга Алексеевна селвгін орулв.

- Мана эклц организцсин шунлтынь ґґдлўлхин тґлі бидн ветеранмуд дунд марєа кенівидн, тедниг дипломсар, єашгудар ачлнавидн, «Ветерана дґњцл эдл- аху» гидг программ кўціхір седљінівидн, – гиљ Городовиковск района ветеранск организацин ахлач Алексей Рыжих келв. Эдн Городовиковск балєснд ґґн угтљ героймудын аллей тогтахар бііні. Тањєчин парламент мадниг эн туст дґњнтхі гиљ сўўрт орлцсн Улсин Хуралын (Парламентин) Ахлач Анатолий Козачкого эн сурв.
Приютненск района ветеранмудын кўцісн кергўдин тускар Иван Шапошников келљ ґгв. Эрўл -менд харлєна халхар бііх дуту- дундсин тускар эн бас келв. Ўлгўрнь, района больницин хирургическ іњгд кесг арвад љилин эргцд эмнлєні оборудовань сольгдљахш, палатмудт хуучн ґлг -эд бас сольгдљахш. Ода района больницин шин ах эмч шунлтта ўўлдвр кўціљіні, терўнд эрўл- менд харлєна министерств дґњ болх зґвті. Дікід инвалидмўдт тањєчин кўч-кґлсні ветерана нер ґгхш, инвалид улс болхла района болн тањєчин делгрлтд ик тівцін орулсн улс болљана гиљ ветеран келв.

Талдан чигн хурц тґрір эн сўўрт ветеранмуд тоолврарн хувалцљ Алдр Диилврин ончта ґґнд яєљ белдљіхін келв. Пленумд бўрдімљин тґр бас кўцігдв –олна организацин советин ханьд шин улс орулгдв.

Пленумин кґдлмшт правительствин Ахлачин дарук Лариса Васильева, тањєчар бііх Ах федеральн инспектор Александр Беляев, министрмўд орлцљ ўг келв.