Хурдн арнзлмудыг ґскљіх кўн

Урднь хальмг кўн мґрн угаєар бііљ чаддго юмн. Келхд, сўл љилмўдт мана тањєчд мґр ґсклєні керг ґргір делгрљіні гиљ келљ болхмн. Ґдгі цагт тањєчин район болєнд мґрнд дуран ґгсн улс бііцхіні. Ўлгўрнь, Яшкулин района Чилгр селінд бііх Михаил Батыевиг, Целинн района Овата селінд бііх Юрий Кавдаловиг, нань чигн улсиг зааљ болхмн. Эдн бає-баєарн мґр ґскід, урлданд орлцад, терўгірн кеермљ кені. Иим нег кўн Целинн района Ялмта селінд бас бііні. Одахн Басњ Церенов эврі крестьянск-фермерск эдл-аху бўрдієід, конюшнь секв. Байрта эн керг-ўўлдврт Алексей Орлов орлцад мґрчнрин кґдлмшиг урмдулх кергті гиљ келсмн.

Ґдгі цагт конюшнднь англь тохмта арвн мґрн бііні. Арнзл зеердиг ґскхд амр биш. Басњ Церенов Целинн района Ялмта селінд ґсід боссн кўн, урднь эн селінд нер туурсн О.Городовиковин нерті мґрд ґскдг завод ўўлдљ йовсмн. Басњ бичкнісн авн мґр унад, яєљ тедниг асрдгинь хілієід шинљлід йовсн кўн. Школдан сурч йовсн цагла мел конюшньд ирід, мґр єііхдін дурта билів гиљ тер цаган Басњ тодлна. Тер цагас нааран мґрнд дуран ґгід мґрд хулдљ авад ґскх сана зўўљ йовсн болдг. Ода минь седклин санан кўцв гиљ эн байртаєар келні.

Кесг љил хооран нер туурсн заводыг Иван Каземиров єардљ йовсмн. 500 шаху тохмта мґрн энд асргдљасн мґн. Тањєчд, тер тоод талдан балєсдт, болдг мґрні урлдан болєнд эдні мґрд тўрўн орм олзлљ, тањєчин нерін туурулљ йовсмн. Цевр тохмта мґрдиг талын орн-нутгас хулдљ авхар імтн ирдг билі. Тегід энд ґсксн кесг мґрн талдан орн-нутгудт ода бііхнь маєд уга.
Харм тґрхд, кесг љил хооран эн мґрні завод ўўлдврін зогсав. Ода болхла Басњ эн кергиг шиніс босхљ авад, мґр ґсклєні кергиг делгрўлх Басњ саната. Кесг љил хооран энўні ўр кґвўнь, Юрий Кавдалов мґр хулдљ авхднь дґњгін кўргсмн. Тер цагас нааран цґґкн љил давв, кемрљін урднь хашаднь нег мґрн зогсдг болхла ода эдні тонь ґсв.

Ода Басњ мґрдиннь тґлі кергті таал бўрдіх саната. Удлго мґрд дамшдг орм кех саната. Мґриг урлданд орулхин тґлі кесгтін терўг дасхх кергті. Тегід иим кґдлмш кўціхин тґлі Басњ мґр ундг 2-ч разрядта тренер Хонєр Надвидовиг дуудулљ авв. Хоњєр эврін Бає Дґрвді єазра кўн, энўні эцкнь, аавнь урднь бас мґр ґскљ йовсн улс. Тегід Хоњєрас деер мґр асрдг кўн уга гиљ Басњ тоолна.

Ґдгі цагт мґрчнрин керг секљ бўтіхд амр биш, тиим болв чигн энўні ўўрмўднь, єурвн кўўкднь, Виктория авальнь энўг ґргір дґњљіні. Намрин-ўвлин кемд мґрдин тґлі шин конюшнь тосхсн деерін идх хотынь эдн бас белдљ авсмн. Тегід єару угаєар ўвлзхір зуралљана.

Келхд, љил болєн тањєчин зірм райодт мґрні урлдан болна, тенд хам-хоша біідг мґрчнр ирљ урлдна. Иим марєаг Ялмта селіндін чигн Басњ давулх саната. Эн сін авъясиг шиніс сергх кергті гиљ Басњ тоолна.