Олн үртә өрк-бүлмүдт

30-01-2021, 07:40 | Таңһчин зәңгс » Зіњг

Хальмг Таңһчин социальн делгрлтин, күч-көлснә болн көдлмшәр тетклһнә министерствин барин цергллт зәңглсәр, мана таңһчд җил болһн олн үртә өрк-бүлмүдин то өсәд бәәнә. Сүл тавн җилин эргцд теднә то 30 процентд икдв. Эн жилин эклцәр кесн то-дигәр, социальн харслтын органмудын тоод 6602 өнр-өсклң өрк-бүл бәәнә, 21982 бичкн өсчәнә. 2020-ч җилд олн үртә өрк-бүлмүдт социальн дөң күрглһнд таңһчин бюджетәс 250 сай арслң йилһгдв.
«Олн үртә өрк-бүлмүдт социальн дөң күрглһнә тускар» гидг таңһчин заканас иштә һурвн болн терүнәс даву насни дигт күрәд уга уга бичкдүдиг асрҗах өрк-бүлмүд шишлң зөвмүд олзлҗ чадҗана. Тиигәд, эднд коммунальн туслмҗин батлгдсн кемҗәнә һаруһин 30 процентынь даңцана, сурһульд сурдг бичкдүдт сар болһн халун хотд 1000 арслң өгнә, тер мет эднд сурһулин шин җилин өмн хувц-хунр болн канцелярск эд-тавр хулдҗ авлһнд 5 миңһн арслңга дем күргнә. Дәкәд олн үртә өрк-бүлмүд экин региональн сертификат авлһна, һурвдгч болн дарук үрнь төрҗ һарсн цагт тернь һунта болтлнь сар болһн демин мөңг авх зөвтә.
БАТАН Сәәхлә

Видео