Мергҗлтән өөдлүлв

30-01-2021, 07:45 | Таңһчин зәңгс » Зіњг

2020-ч җилд мана таңһчд үрән асрлһна амрлһнд бәәдг болн күүкднь сурһульчнр болҗах күүкд улс мергҗлтән өөдлүлв. «Демографь» гидг келн-улсин төсвин «Күүкд улст көдлмш олҗ авхднь туслһн» гидг региональн көтлврин медлд 40 күүкн күн шин эрдм дасв. Ода деерән 41 күүкн күн сурһулян төгсәв, теднәс өрәлнь шин эрдмәрн көдлҗәнә.
Эн кергт 905,9 сай арслң йилһгдсн билә, тер тоод федеральн бюджетәс – 887,8 миңһн арслң, таңһчин бюджетәс болхла 18,1 миңһн арслң. Давсн жилд таңһчин әмтиг көдлмшәр тетклһнә цергллт сурһуль-эрдмин үүлдвр күцәдг 13 бүрдәцлә шин эрдм даслһна болн мергҗлтән өөдлүллһнә 38 бооца батлв. Күүкд улс ЭВМ-ин оператор, тооч, медсестра, юрист, психолог, сурһмҗлач, үс кирһәч, әмтиг көдлмшәр тетклһнә халхд шаңһа туслмҗ күрглһнә көдләч болн нань чигн эрдмәр сурв.
БАТАН Сәәхлә

Видео