Хальдврта гемәс саглна

06-02-2021, 13:45 | Таңһчин зәңгс » Зіњг

Таңһчин әмтнә социальн теткврин комплексн төвин көдләчнр медәтнр болн гемтә-шалтгта улс дунд коронавирусн гемәс саглуллһна төрәр цәәлһврин көдлмш күцәҗәнә. Тиигәд, социальн көдләчнр шин коронавирусн гем гриппәс болн нань чигн талдан хальдврта гемәс юуһарн йилһрдгин тускар келҗ, терүнәс саглҗ чик авг-бәрцәр бәәҗ эрүл-мендән батрулхин туст сүв-селвг өгнә, эн гемәр хальдсн цагт ямр кевәр бийән бәрхин тускар цәәлһнә.

Эндрк эпидемиологическ нәрн бәәдлд күн болһн, нег үлү медәтә болн хуучта улст, эрүл-мендин бәәдлән шинҗлҗ, олн-әмтн цуглрдг һазрт одхасн саглҗ гертән бәәх зөвтә гиҗ социальн көдләчнр келнә. Эднә хәләврт бәәдг медәтнрт болн эрмдгтә улст эдн хот-хоолынь, кергтә эминь хулдҗ авч ирнә, коммунальн туслмҗин мөңгинь өгнә, кергтә болхла эрүл-менд харлһна көдләчнриг герүрнь дуудна.

БАТАН Наталья

Видео