Төрскн келнә арвн хонг

18-02-2021, 14:42 | Таңһчин зәңгс » Зіњг

Хальмг Таңһчд төрскн келнә арвн хонг зарлгдҗана. Төрскн келнә Нарт-делкән өдриг угтҗ, эн керг-үүлдвр күцәгдҗәнә. Сурһуль-эрдмин болн номин таңһчин министерств терүг лу сарин 15-с авн 24 күртл кеҗәнә.
Хальмг келнд, терүг хадһлҗ, делгрүллһнд нерәдсн тематическ кичәлмүд, классин часмуд, күүндврмүд, төгрг ширән сүүрмүд, нань чигн олн керг-үүлдврмүд таңһчин сурһуль-эрдмин цуг бүрдәцсәр кегдхмн, гиҗ сурһуль-эрдмин болн номин министерствин барин цергллт зәңглҗәнә.
Арвн хонгин үүлдвриг байрин ик хург ашлхмн. Терүнд олн илдкл болн соңсхврмуд әмтнә оньгт тусхагдхмн. Эн хургт йосна күцәгч органмудын элчнр, Элст балһсна болн райодын толһачнрин социальн төрәр үүлддг дарукс, Хальмг ик сурһулин, Хальмг номин төвин элчнр, багшнр орлцхмн. Хальмг келәр Таңһчин Толһачин мөрән лауреатнрт мөрә бәрүлҗ өггдхмн, хамгин сән сурһулин бүрдәцс заагдхмн.

Видео