Дала ламин лекциг соңстн

11-03-2021, 15:25 | Таңһчин зәңгс » Зіњг

Дала ламин гегән вакцинәр тәргдв. Моһа сарин 6-д мана Ик Багш коронавирус гемәс саглулгч вакцинәр тәргдснә тускар зәңглгдв. Дхарамсала балһсна Зонал госпитальд Дала ламин гегән вакцинә түрүн тәрлһ авв. Тендән Дала ламин гегән өрәл частан эмчнрин хәләврт бәәснә дару хәрү резиденцдән ирв.

«Бийән гемәс саглҗ, иим тәрлһ кетн, гиҗ әмтнд дуудвр кеҗәнәв. Бийән сагар бәрхд эннь туста болх», – гиҗ Дала ламин гегән әмтнд селвгән өгв. Видеозалһлдаһар Күнкл Багшла кесн күүндвриг Ютубд умшҗ болхмн.
Пандемийин йовудт Күнкл Багш маднла залһлда бәрҗ, интернетин дөңгәр лекц умшҗ, номин цәәлһвр өгч, цуг маднд ик урмд өгчәв. Иигәд моһа сарин 11-д Оюни Көтлврчин дарани лекциг соңсх таал учрҗана. Моңһл баһчудын сурврар «Буддизм и наука» гидг төрәр кех лекцнь кесг келнд орчулгдҗ, Дхарамсала балһснас шудтан үзүлгдхмн. Лекц өрүн эрт 6 час 30 минутла экләд, 8 час күртл болхмн. Лекц орс келнд бас орчулгдхмн.

Видео