«Күцәмҗтә һардач» - баахн багшнрт

16-03-2021, 17:24 | Таңһчин зәңгс » Зіњг

Шидр Зая-Пандитан нертә этносойлын гимназин улд «Күцәмҗтә һардач» гидг баахн наста һардачнрин төлә балһсна сурһуль секгдв. Терүг Элст балһсна сурһуль-эрдмин заллт бүрдәв. Энд баахн багшнр мергҗлтән өөдлүлҗ, иргчдән залврин көрңгин кандидатнрин тоод орхмн. Иргчдән сурһуль-эрдмин бүрдәцсин һардачин болн эднә даруксин үүлд көдлх багшнр сурһулин болн сурһмҗин үүлдвриг заллһна туст медрл хоршаҗ авхмн.

Байн дамшлтта болн өөдән мергҗлттә багшнр баһчудт медсән зааҗ өгч, эднд дөң-тусан күргхмн. Эн сурһульд һурвн җилдән багшлҗах баахн улс орхмн. Эднә төлә олн зүсн төрәр мастер-классмуд, «төгрг ширән» сүүр, харһлтс болхмн. «Күцәмҗтә һардач» сурһулин түрүн занять давуллһнд Элст балһсна администрацин толһачин дарук Галина Васькина, КРИПКРО-н ректор Лидия Мунчинова, Элстин классическ гимназин һардач Октябрина Французова болн 12-ч тойгта сурһулин һардачин дарук Марина Усалко гиичнр болҗ орлцв.

ДООҖАН Наталья

Видео