Асрлһнд үр авсн улс бас ачлгдх

16-03-2021, 17:25 | Таңһчин зәңгс » Зіњг

Хальмг Таңһчин Улсин Хуралын (Парламентин) дарани сессин сүүрт мана таңһчд «Үрдтән чик сурһмҗ өгсн ач-тусин төлә» гидг темдгәр ачлгдх олн үртә өрк-бүлмүдин тоод бичкдүдиг асрлһнд авсн улс бас немгдхин туст закан батлгдв. Эн темдг мана таңһчд 2011-ч җиләс авн бәрүлҗ өггднә. Тер мет ачлгдсн өрк-бүл болһн нег дәкҗ 30 миңһн арслңга мөрә авна.

«Үрдтән чик сурһмҗ өгсн ач-тусин төлә» гидг темдг бичкдүдтән чик сурһмҗ өгсн олн үртә эк-эцкнрин ач-тус темдглҗәх өөдән ачлвр болна. Эн темдгәр ачлгдсн өрк-бүлмүдиг экин Өдрлә болдг байрин хургт йөрәдг сән авъяс бәәнә. 2011-ч җиләс авн мана таңһчд 211 эк-эцк эн темдгәр ачлгдсмн.

Видео