«Үүрмүдин дун» альманахд барлгдв

20-03-2021, 15:04 | Таңһчин зәңгс » Зіњг

Хальмг шүлгч Татьяна Куликован шүлг Великобританьд барлгдсн «Үүрмүдин дун» гидг альманахд барлгдв. Нер һарсн английск шүлгч Вальтер Скоттин 250-ч җилин өөнд нерәдҗ шүлгүдин эн хураңһу барлгдсмн.

Альманахин редактор Джон Фарндона келсәр, Евразин һазрт бәәх цуг орн-нутгудын шүлгчнрт иим хураңһуд орлцтн гиҗ үрвр кегдсмн. Шүлгчнр неҗәд шүлгән илгәх зөвтә бәәсмн. Умшачнр болхла классическ шүлгләнәс неҗәд үүдәвр шүүҗ авснь хураңһуд орман олв. Евразин һазрар бәәх 13 орн-нутгин 39 шүлгчин үүдәврмүд альманахд орсмн.
Татьяна Куликова Әрәсән бичәчнрин Ниицәнә Хальмг әңгин гешүн. 2013-ч җилд эклҗ бичсмн. Ода шүлгчин белдсн долан хураңһу бәәнә. Түүкләнә нег хураңһу эн бас белдҗ һарһсмн. Тиигәд эврәннь умшачнран Татьяна Куликова җил болһн гишң шин шүлгүдәр байрлулна. Ода энүнә шүлгнь Великобританьд һарсн альманахд орснь чинртә йовдл болҗана. Энүнә шүлгиг умшад, һазадын орна умшачнр хальмг литератур ямаран болҗахинь медҗ авхмн.
Альманахин редактор Джон Фарндона тоолврар, шүлг болһн орн-нутгин нерн деерәс нерәдсн белг болҗ умшгдна. Олн келн-улсин шүлгләнә хураңһу әмтн нег-негән медҗ авхд туслхнь маһд уга.
ҖИРҺЛИН Кермн

Видео