Диилврин өдр угтҗ демин мөңг өгх

01-04-2021, 17:30 | Таңһчин зәңгс » Зіњг

Төрскән харсгч Алдр дән төгсснә 76 җилин өөн удл уга болх. Сән авъяст тохрсар, Алдр Диилврин Өдр угтҗ дәәнд орлцачнрт болн гемтә-шалтгта улст федеральн бюджетәс демин мөңг өгхмн. Нег дәкҗ өгдг демин мөңгнә кемҗән 10 миңһн арслң тогтахмн.

Давсн җиллә әдләр терүг Әрәсән пенсионн саң өгхмн. Моһа сарин 26-д кесн то-дигәр, мана таңһчд дәәнд орлцсн болн эрмдгтә 28 күн бәәнә. Эдн цуһар пенсиг Әрәсән поштар болн кредитн бүрдәцәр дамҗулҗ авна. Эдн Алдр Диилврин өдр угтҗ мөрн сарин пенслә тер демин мөңгиг авхмн. Эн демин мөңгн Әрәсән Президентин зәрлгәс иштә Төрскән харсгч Алдр дәәнд орлцачнрт болн эрмдгтә улст өгнә. Дәәнд орлцачнр – Әрәсән иргнмүд, мана орн-нутгт бәәдг улс болх зөвтә.
Мана зәңгч

Видео