Гүлгн гемиг эртәр илдкв

01-04-2021, 17:31 | Таңһчин зәңгс » Эрўл-менд харлһн

Шидр П.Жемчуевин нертә таңһчин эмнлһнә гүлгн гемтә улст амбулаторн дөң күрглһнә төвин (ЦАОП) эмчнр Целинн районд одҗ бәәрн әмтнә эрүл-менд шинҗлв. Эн керг-үүлдвр «Гүлгн гемәс хөрлһн» гидг федеральн көтлврин медлд бүрдәгдв.


Элстәс ирсн эмчнрт района селәдин 45 күн бийән үзүлҗ, гүлгн гемәс саглуллһна туст цәәлһвр авв. Эмчнрт ирсн улс дундас нег күүнд оошкин гүлгн гем илдкгдв, терүг П.Жемчуевин нертә таңһчин эмнлһнә торакальн әңгд эмнлһнд йовулв. Дәкәд 9 күүнд олн зүсн мөчмүдин хавдр илдкгдв, нег күүнд геснә гүлгн гем бәәнә гиҗ харлгдҗана.
ЦАОП-ин һардач Катан Юлиян зәңглсәр, гүлгн гемәс хөрлһнә таңһчин диспансерт тоод бәәдг гүлгн гемәр гемтә һурвн күн күцц эмнлһ авчахш. Эднә эрүл-мендин бәәдлин гүн шинҗллт кеҗ, эмнлһиг цааранднь кехмн. Эмчнрт бийән үзүлсн улс дунд гүлгн гем бәәнә гиҗ харлгдҗахнь шинҗллтин аш медгдәд уга бәәтл төвин эмчнрин хәләврт авгдв.

Видео