Хальмг режиссер – Хакасьт

01-04-2021, 17:49 | Таңһчин зәңгс » Зіњг

Әрәсән билг-эрдмин ачта үүлдәч, Басңга Баатрин нертә Келн-улсин театрин художественн һардач Борис Манджиев Хакасьт наад тәвхәр одв. Драмин болн этническ көгҗмин «Чигитем» театрин үрврәр Борис Наминович «Хубай – аңһучин көвүн» гидг наад белдҗәнә. Светлана Чебодаеван пьесәр наадн тәвгдхмн. Хакас улсин туулин ул деер бичгдсн наадна дүрмүд олн хәләһәчнрлә харһхмн.
Наадна көгҗмиг Хальмгин Герой Аркадий Манджиев бичҗәнә. Хакасин билг-эрдмин ачта үүлдәч Олег Чебодаев белдврин багд орҗана. Зурач болҗ Мария Чаптыкова үүлдҗәнә. Башкортостана ачта артистк Рамиза Мухаметшина нааднд орҗах би болн нань чигн тоотыг белдлһнд орлцҗана.
Наад тәвҗәдг багд олн келн-улс орлцҗана. Соньн эн наадн мөрн сарин 16-д болх гиҗ зуралгдҗана.

Видео