«За рулём» журналын мөрә шүүв

01-04-2021, 17:51 | Таңһчин зәңгс » Зіњг

Давсн долан хонгин чилгчәр, моһа сарин 25-д, «За рулем» гидг олн-әмтн, нег үлү көлгтә улст йир сәәнәр меддг журнал олн умшачнр дунд шүүвр кев. Шуд эфирт болсн лотерейин ашар түрүнксиннь тоод Хальмг Таңһчин Цаһан Амнас Валерий Хечиев мөрә шүүв.

Эфирт һарч ирәд, журналын көдләчнр лотерейиг экләд, шүүврин түрүн то-диг заагдхла, тернь кен болҗахнь нернь медгдв. «Lada Niva Travel» автомашиг Валерий Викторович Хечиев шүүҗ авв. Эфириг һардҗасн журналын ах редактор Максим Кадаков шүүҗ авсн күүнә нер-усиг чикәр келхәр зүткв. Тер дарунь эдн телефона тойгар җиңнүләд, Валерий Викторовичлә күүндв. Маши шүүҗ авснлань йөрәһәд, урднь эврә көлгн бәәсн угаһинь сурв. Chevrolet Niva (Шевроле Нива) бәәхиг Валерий келҗ медүлв. «Дәкн нег машиһәр ю кенәт?», – гиҗ эфир һардҗасн журналистнр шоглҗ сурв. Райондан түүмрәс харслһна цергллтин ахлачар эн көдлнә. Москвад ирҗ, көлгән автн, гиҗ энүнд үрвр кев.
ҖИРҺЛИН Кермн

Видео