Бичкдүдин демин мөңгнә тускар

03-04-2021, 16:26 | Таңһчин зәңгс » Зіњг

Хальмг Таңһчин Толһачин зәрлгәс иштә 2021-ч җилин мөрн сарин 1-с авн һунтаһас авн долан насн күртл бичкдүдт сар болһн өгдг демин мөңгнә диг-даранд сольвр орулгдв.

Ода бичкдүдт өгдг демин мөңгнә кемҗән өрк-бүлин олз-оруһас ирлцәд, Хальмг Таңһчд батлгдсн бичкдүдин баһ гисн теҗәлин мөңгнә 50, 75 болн 100 процент тогтахмн. Кемр өрк-бүлин теҗәлин мөңгнә кемҗән сар болһн өгдг демин мөңгнә 50 процент тоод авч тоолҗ һарһгдсна хөөн әмтнә теҗәлин баһ гисн кемҗәнәс үлү эс болхла, тер цагт сар болһн өгдг дем бичкдүдин теҗәлин кемҗәнә 75 процент тогтахмн. Кемр тернь әмтнә теҗәлин баһ гисн кемҗәнәс үлү эс болхла, тер цагт 100 процент тогтахмн. Демин мөңгнә кемҗәг шинәс тоолҗ бичкдүдтән сар болһн авхар бәәх эк-эцкнр мөрн сарин 1-әс авн эрлһән орулҗ өгх зөвтә. Эрлһиг шаңһа туслмҗин порталар онц кабинетд орулҗ болхмн.
Урднь эн демин мөңгн сарин теҗәлин кемҗәнәс баһ олз-ору бәәдг өрк-бүлмүд авдг билә. Демин мөңгнә кемҗән мана таңһчд батлгдсн бичкдүдин теҗәлин мөңгнә кемҗәнә 50 процент тогтадг билә. Тегәд цуһар әдл демин мөңг авдг бәәсмн. 2020-ч җилд 10499 өрк-бүл сар болһн бичкдүдтән демин мөңг авдг билә. Тиигәд 14944 күүкн-көвүнд демин мөңг өглһнд ут тоодан 736 сай арслң һарһгдв.
БАТАН Сәәхлә

Видео