Өнчн бичкдүд гер-бүүрәр теткгдх

09-04-2021, 16:55 | Таңһчин зәңгс » Зіњг

Өнчн болн эк-эцкиннь хәләвр уга үлдсн бичкдүдиг гер-бүүрәр теткхин төлә 4 патьр хулдҗ авлһна электронн аукцион төгсв. Заканла ирлцәтәһәр кергтә керг-үүлдврмүд күцәгдснә хөөн хулдҗ авгдсн патьрмуд эднд социальн нәәмәдлһнд йилһҗ өггдхмн. Эн патьрмуд хулдҗ авлһнд 7,3 сай арслң олзлгдв.

– Таңһчин тосхлтын, көлгн-күчнә болн хаалһин эдл-ахун министерствд өнчн бичкдүдиг гер-бүүрәр тетклһнә төлә җил болһн теднә то-диг тогтагдна. Эн дөрвн патьр таңһчин гер-бүүрин саңд орулгдсна хөөн өнчн бичкдүдт түлкүринь бәрүлҗ өггдхмн. Хальмг Таңһчд шишлң гер-бүүрин саң тогтагдсн бәәнә. Тер ут тоодан 14283 дөрвлҗн метр тогтана, 359 өнчн бичкн гер-бүүрәр теткгдв. Тер мет 602 өнчн күн социальн демин мөңг авад, гер-бүүрин таалан ясрулв, тер тоод 2020-ч җилд 76 өнчн бичкдүд мөн. Эн кергт таңһчин бюджетд мөңгн батлгдсн бәәнә, – гиҗ министр Җанҗин Виктор келв.
Мана зәңгч

Видео