Күч-көлс харлһна төрәр

13-04-2021, 16:31 | Таңһчин зәңгс » Зіњг

Хальмг Таңһчин социальн делгрлтин, күч-көлс харлһна болн көдлмшәр тетклһнә министерствд «Күч-көлс харлһн бичкдүдин хәләцәр» гидг бичкдүдин зургудын марһана аш диглгдв. Таңһчин райодын болн хотл Элст балһсна күүкд-көвүд 185 зург илгәв. Марһана комиссин шиидврәр терүнд орлцсн бичкдүдиг насарнь хойр багд хував.

7-ас авн 9 нас күрсн бичкдүд дунд Элст балһсна 1-ч тойгта бичкдүдин билг-эрдмин сурһульд сурдг йистә Өлзәтин Полина диилвр бәрв. Эн эмчиг зурв. 10-ас авн 15 нас күрсн күүкд-көвүд дунд Приютна района бичкдүдин үүдәлтин Бәәшңгин элч Дарья Мельникова 1-ч орм эзлв. Марһанд диилвр бәрсн бичкдүдиг Хальмг Таңһчин социальн делгрлтин, күч-көлснә болн көдлмшәр тетклһнә министерствин Күндллһнә һашгар ачлад, эднд белгүд бәрүлв.
Мана зәңгч

Видео