Эк-эцк уга үлдсн болхла

20-04-2021, 16:17 | Таңһчин зәңгс » Зіњг

2018-ч җиләс авн шин социальн пенсь өгдг болв. Эн пенсиг төрҗ һарсна дару эк-эцкнь хайсн, нилхд төрлһнә герт үлдәсн бичкдүдт өгдг болв. Эн бичкдүдин төрҗ һарсна иткл цааснд экин болн эцкин нер-уснь эс заагдсн болхла, эдн эн социальн пенсь авх зөвтә. Урднь эднд иим пенсь өгдго бәәсмн, тегәд эн төр хаһлхин төлә «Әрәсән Федерацд шаңһа пенсионн теткврин туск» гидг федеральн заканд сольвр орулгдв. Тегәд ода эн сольвр орулгдсна хөөн эк-эцк уга үлдсн бичкдүд социальн пенсь авх зөвтә болв.
Иим бичкдүдин пенсин кемҗән өнчн бичкдүдин пенслә әдл болна. Цуг социальн пенсьлә әдл эн мөрн сарин 1-әс авн 3,4 процентд өсәд, сардан 11593,58 арслң тогтав. Социальн пенсь бичкдүдт 18 нас күртлнь өггдхмн. Кемр эдн очн кевәр сурһуль сурхла, тер цагт терүг 23 нас күртлнь өгдг болхмн. Эндр мана таңһчд һурвн бичкн иим социальн пенсь авчана.

Видео