Күч-көлснә таал ясрулхар

22-04-2021, 15:04 | Таңһчин зәңгс » Зіњг

Эврә мөңгәрн күч-көлснә таал ясруллһна керг-үүлдврмүд күцәсн предприять-бүрдәцс һаруһин 30 процентынь даңцаҗ чадхмн. 2020-ч җилд өгсн даатхлһна мөңгнәс теднд даңцахмн гиҗ Әрәсән ФСС-ин Хальмг Таңһчар үүлддг әңгин барин цергллт зәңглв.

Әрәсән социальн даатхлһна саңгин региональн әңгин то-дигәр, давсн җилд саглуллһна керг-үүлдврт 6,7 сай арслң йилһгдсн билә. Терүг 133 предприять-бүрдәц олзлҗ чадв. Йилһгдсн мөңгәр 783 көдлмшч ормин күч-көлснә таал үнллһнә керг күцәгдв. Ут тоодан 720 күн саглуллһна онц кегдлмүдәр теткгдв, әәмшгтә көдлмш күцәдг 563 күн болн пенсьт удл уга һарх 28 күн санаторьт амрад бийән эмнүлв, 69 күн эрүл-мендин бәәдлиг эрк биш шинҗллһнә керг-үүлдврт орлцв.
Давсн җилд Хальмгт 17 күн көдлмштән шарх-шав авв, әәмшгтә производствд көдлдг нег күн гемтв. Мана таңһчд 4287 күн әәмшгтә болн эрүл-мендд харшлт күргдг күч-көлснә таалд көдлнә.
2020-ч җилин даатхлһна мөңгнә 30 процентынь даңцахин төлә предприять-бүрдәц ноха сарин 1 күртл ФСС-т саглуллһна керг-үүлдврмүд күцәлһнд мөңг йилһҗ өглһнә цаас орулҗ өгх зөвтә. Цаглань даатхлһна мөңгән эс өгхлә ялла харһҗ болхмн.
Мана зәңгч

Видео