Диилврин өдрт нерәдгдсн дем

29-04-2021, 14:54 | Таңһчин зәңгс » Зіњг

Әрәсән пенсионн саң Төрскән харсгч Алдр дәәнд орлцачнрт болн эрмдгтә улст җил болһн өгдг демин мөңгиг йилһҗ дуусв.
Сән авъяст тохрсар, мөрн сарин пенсьлә хамдан дәәнд орлцачнр федеральн бюджетәс нег дәкҗ өгдг 10 миңһн арслңга демин мөңг авна. Әрәсән Президентин зәрлгәс иштә Хальмг Таңһчд 28 пенсионер демин мөңг авв, теднәснь Төрскән харсгч Алдр дәәнд орлцсн 20 күн болн эрмдгтә 8 күн болна.
Ветеранмудын ик зунь Элстд бәәнә, эннь 16 күн болна. Целинн районд һурвн, Городовиковск, Сарпан, Яшалтан болн Яшкулин райодт хошаһад күн бәәнә. Баһ Дөрвдә районд ода Төрскән харсгч Алдр дәәнд орлцсн негхн ветеран үлдв.

Видео