Дәәнә ветеранд – шин гер

13-05-2021, 14:09 | Таңһчин зәңгс » Зіњг

Алдр Диилврин Өдрин өмн Хальмг Таңһчин Толһач Хаска Бату Яшалтан района Соленое селәнд одв. Тенд Бату Сергеевич Төрскән харсгч Алдр дәәнә ветеран Георгий Алексеевич Климовичд шин герин түлкүр бәрүлҗ өгв.
«Энтн энүнә залу-зөрмгиг үнлҗ баһ гиснь кеҗ чадх керг болҗана. Георгий Алексеевич дәәнә цагт залу-зөрмг кевәр дәәлдҗ, бидн эндр Төрскнәннь төлә көдлҗ чадхин төлә цугинь кеввидн», – гиҗ Хаска Бату йөрәлин үгдән келв.
Ветераниг гер-бүүрәр тетклһнд района бюджетәс мөңг йилһҗ өглһнә төр Яшалтан района депутатнрин Хургт хәләгдв. Ветеранд гер хулдҗ авлһна седвәриг «Сергиенко» нертә крестьянск-фермерск эдл-ахун һардач татв.
– Георгий Алексеевичд шин гер хулдҗ авлһнд дөңгән күргсн улст ханлтан өргҗәнәв. Энд бәәцин төлә цуг таал бәәнә. Иим күүнлә харһҗ күүндх арһ учрснд би байрлҗанав. Иим улсас маднд үлгүр авх кергтә, – гиҗ таңһчин Толһач темдглв.
Георгий Климович Яшалтан района Соленое селәнд һарсмн. 1944-ч җилин үкр сард эн Советин цергт мордад, теңгст церглв. Эн Хальмг Таңһчин болн Әрәсән Федерацин күч-көлснә ветеран болна, кесг Күндллһнә һашгар болн өөнин медальмудар ачлгдсмн. Ачта амрлһнд һартлан Георгий Алексеевич Ленина нертә колхозд көдлҗ йовсмн.
Мана зәңгч

Видео