Үрс Сарин байр

13-05-2021, 14:46 | Таңһчин зәңгс » Зіњг

Хальмгт Үрс Сарин өдрмүд эклв. Әрүн чинртә эн сар хөн сарин 12-ас авн мөчн сарин 10 күртл болхмн. Бурхн Багшин һурвн алдр үүлдврлә эн әрүн сарин кем залһлдата.
Шаҗна ик чинртә керг-үүлдврлә залһлдата һурвн йовдл бурхн-шаҗнд шүтдг әмтнд йир хәәртә болна. Эн әрүн сарла Бурхн Багш нарта орчлңла мендлсмн. Гегәрлтин әрүн кемд Алдр Багш күрсмн. Әрүн эн сарла Бурхн Багш паранирванан цевр һазрур залрҗ һарсмн. Иигәд хойр миңһнәс үлү җилмүдт шаҗнд шүтдг әмтн эн әрүн сариг темдглҗ, буй хуралһнд сүзглҗ, өнчн-өвү, теҗәл тату, олн үртә улст дөң болхар, нань чигн цаһан седклин үүлдвр күцәхәр зүткнә.
Шаҗна номин зокалар Бурхн Багш цуг һурвн үүлдвр күцәсн кемнь эндрк өдрин литәр хәләхлә, эн җилин хөн сарин 26-ла ирлцҗәнә. Эн өдр Бурхн Багшин Алтн сүмд ик мөргүл болхмн.
Шаҗнд шүтдг әмтн эн өдрмүдлә хотан гиигләд, мах, заһс, өндг идлго, маань умшҗ, цуг әмтә тоотын эрүл - мендин төлә зальврна.
Үрс Сарин өдрмүдлә хурлд одад, суврһна өөгүр мөргҗ йовхла, әрүн нань чигн һазрт күрч мөргхлә йир туста болхмн.
Шаҗна чинртә эн әрүн сар давсн зун җилин йирдгч җилмүдәс авн келн-улсин байр болҗ темдглдг болв. Эн сарин эклцәр болн йовудтнь сойлын олн орлцата керг-үүлдврмүд болна.

Желаю благополучия и процветания!
Глава Калмыкии Бату Хасиков поздравил жителей республики с началом священного месяца Үрс Сар: «В этот месяц Будда Шакьямуни совершил три великих деяния. Этот священный период – время для накопления благой кармы, когда добродетельные действия приносят кармическую заслугу, которая в сто тысяч раз больше, чем в другое время. Уверен, что созидать и совершать благие поступки нужно не только в праздники, но и ежедневно. Земляки, пусть каждый день будет наполнен чистыми помыслами, добрыми делами. Желаю благополучия и процветания».

Видео