Маршал Жуковин бумб

13-05-2021, 14:50 | Таңһчин зәңгс » Зіњг

Целинн района Троицкое селәнә маршал Г. Жуковин нертә дундын школын өөр цергә нертә үүлдәчин бумб тәвгдв.
Селәнә эн школд маршал Жуковин нерн 2004-ч җилин така сарин 27-д зүүлһгдсмн. Сурһульчнртан сән медрл өгдг, сурһмҗин чик ул тәвдг школ болҗ сурһулин эн заведень таңһчд темдгтә.
Эн җилин хаврар района администрацин һардачнрин седвәрәр «Аллея Российской славы» гидг Цугәрәсән буйнч үүлдврин керг-үүлдврт орлцад баатрин бумбиг авх болсмн. Цугәрәсән эн керг-үүлдврин һардач Михаил Сердюков Г. Жуковин бюст болн терүнә улнь болх чолун ширәһинь селәнә школд йилһҗ өгчәхән медүлсмн. Иигәд Диилврин өдр Троицкое селәнә дундын школын өөр Советск Союзин маршал Георгий Жуковин бумб залҗ тәвгдв. Эн байрт школын сурһульчнр, багшнр, олна, цергә, ветеранск, баһчудын бүрдәцсин элчнр орлцв.
«Әрәсән туурмҗин аллей» гидг керг-үүлдврин кемҗәнд Хальмгт босхгдсн түрүн бумб эннь болҗана.

ҖИРҺЛИН Кермн

Видео