Әмтн санитарн некврмүд күцәҗәнә

20-05-2021, 15:55 | Таңһчин зәңгс » Зіњг

Хальмг Таңһчин эрүл-менд харлһна министерствин то-дигәр, сүл хонгт 13 күн коронавирусн гемәр гемтснь илдкгдв. Пандемий эклснәс авн мана таңһчд ут тоодан 20682 күн хальдврта гемәр гемтв. Цаглань эмнлһ авсна ашт 20003 күн эн әәмшгтә гемәс эдгснь байрта йовдл мөн. Госпитальмудт ода 145 күн эмнлһ авчана. Күнд кевәр гемнь давҗах 11 күүнәс дөрвнь ИВЛ-аппаратар кииһән авчана. Гемнь гиигнәр болн медмҗән угаһар давҗах 201 күн гертән амбулаторн кевәр эмнлһ авчана. Һундл төрхд, 365 күн эн әәмшгтә гемәс иштә сәәһән хәәв.
Таңһчд коронавирусн гемәс саглуллһна тәрлһ келһнә керг-үүлдвр гүргүдән орсн бәәнә. Таңһчин эрүл-менд харлһна министерствин то-дигәр, ода деерән 35 миңһнәс үлү күн тәрлһ авв. Таңһчин райодын эмнлһст селәдин әмтнд тәрлһ келһнә төлә цуг таал тогтагдсн бәәнә, тегәд сүл өдрмүдт тәрлһ авсн улсин то икдҗәхнь темдглгдҗәнә.
Мана таңһчд коронавирусн гемәс хөрлһнә бачм штабин шиидврәр хаслһна диг-даран хөн сарин 30 күртл утдулгдсн билә, тегәд ода цуһар Роспотребнадзорин санитарн-эпидемиологическ некврмүд эрк биш күцәх зөвтә. Нег үлү әмтн олар цуглрдг һазрт, олна көлгн-күчнд болн хулд-гүүлгәнә объектст әмтн чирәдән хааһул өмсх, һаран эд-бод кех болн нег-негнәсн күсдундур метрт бәәх зөвтә болҗана. Министерствсин болн ведомствсин хамцу көдлмшч багмуд эн некврмүдиг арһлачнр болн әмтн ямр кевәр күцәҗәхиг бүрткнә. Сүл цагт эпидемиологическ бәәдл ясрҗахас иштә олн зүсн керг-үүлдврмүд давулгдҗана.

Мана зәңгч

Видео