Славянск бичмрин байр

22-05-2021, 15:05 | Таңһчин зәңгс » Зіњг

Җил болһн Әрәсәд хөн сарин 24-д славянск бичмрин болн сойлын сән өдр темдглнә. Эннь шаҗна болн йосна һанцхн тиим байр болҗана. Әрүн Кириллын болн Мефодийин нернлә залһлдата байриг Хальмгт бас темдглнә.
Элстд эн өдр 7-ч микрорайонд Кириллын болн Мефодийин санлд тосхгдҗах чонҗин өөр байрин ик мөргүл болхмн. Терүнд Казанск кафедральн чонҗин гелңгүдлә хамдан Сарпулин болн Крымин шаҗна хувргуд орлцҗана. Дарунь тосхгдҗах чонҗин өөгүр ном умшҗ эргҗ йовхмн.
Терүнә хөөн 12 часла байрин концерт болхмн. Терүнд Хальмгин профессиональн коллективс орлцҗана. Драмин болн шог наадна таңһчин Орс театр, А. Цебековин нертә Государственн хор болн Келн-улсин оркестр талвңд цуглрсн әмтнд сергмҗ үүдәхмн.
Җил болһн болдг эн байр шин чинр зүүҗәнә. Өдгә цагт тууҗан болн уңг-тохман медҗ, улсин зөөрән хадһлҗ, ни-негн бәәхд туслх авъясмудыг батлҗана.
УШКАНА Сувсн

Видео