Сурһульмудт – шин автобусмуд

25-05-2021, 16:07 | Таңһчин зәңгс » Зіњг

2020-ч җилд Хальмг Таңһчин сурһуль-эрдмин бүрдәцст
10 автобус йилһгдсн билә. Теднә ик зунь таңһчин райодын сурһульмудт өггдсмн.

Сурһуль-эрдмин бүрдәцсин төлә эврә көлгн бәәхнь района болн таңһчин керг-үүлдврмүдт орлцх арһ өгнә. Хальмг Таңһчин Толһач Хаска Батун темдглсәр, шишлң көлгн-күчәр тетклһн сурһуль-эрдмин үүлдвриг сәәнәр болн күцәмҗтәһәр бүрдәлһнд туслна. Мана орн-нутгт эн төр чинртә төрмүдин негнь болна. Тегәд чигн «Негдсн Әрәсә» парть сурһульмудын көлгн-күчнә парк шинрүллһнә төр хаһлхин туск седвәриг орн-нутгин Президентд орулв. Владимир Путин тер седвәриг дөңнәд, РФ-н Федеральн Хургт кесн Илгәврт дөрвн җилин эргцд 16 миңһн көлгн сурһульмудын төлә хулдҗ авгдхмн гив. Шишлң көлгн-күчн әәмшг уга болн өдгә цагин некврлә ирлцх зөвтә гиҗ президент темдглв.
«Негдсн Әрәсә» парть орн-нутгин сурһуль-эрдмин министерствлә хамдан регионмудт кедү көлгн кергтә болҗахиг шинҗлх зөвтә. Сурһульмудын автобус хулдҗ авлһнд 35 җува арслң йилһгдхмн. Цуг автобусмуд мана орн-нутгт кеҗ һарһгдсн көлгн болх.
Мана зәңгч

Видео