Зуульчлхдан дурта баһчудт

25-05-2021, 16:29 | Таңһчин зәңгс » Зіњг

Урднь күн күрәд уга Әрәсән сәәхн һазрт күрч зуульчлх арһ Хальмгин баһчудт учрҗана.
Хөн сарин 27-д 11.00 часла сайтд зеленаятропа.рф орад, марһанд орлцтн. Эн сайтд онлайн квиз болхмн, терүнд орлцад баһчуд йиртмҗиг ямаран сәәнәр меддгән үзүлхмн.


«Экосистем» гидг баһчудын Цугәрәсән форумин кемҗәнд эн марһан болҗана. Әрәсән йиртмҗин көрңгин болн экологин министерств болн баһчудын төрәр үүлддг федеральн агентств эн марһаг белдҗ давулҗана.
Марһан зурһан девсңгәр болхмн. Тавн номинацд дииләчнр йилһгдхмн.
Иим сәәхн нерд: ЭкоГений, Недосягаемый, Знаток, Эксперт, Пытливый ум, зүүхин төлә медрлән сән кевәр үзүлхин туст арһ хәәх кергтә.
Марһана тускар шишлң сайтд орад, таньлдҗ болхмн. Зөрҗ үзтн, үүрмүд.

Видео