«Олн үртә Әрәсә»
Урҗ өдр «Әрәсә эндр» гидг нарт-делкән медиабагин улд «Олн үртә Әрәсә» гидг Цугәрәсән төсвд нерәдгдсн барин көдләчнрин төлә конференц болв. Терүг Москва балһсна олн үртә өрк-бүлмүдин ниицән болн җирһлин күнд таалд туссн бичкдүдиг дөңнлһнә саң бүрдәҗ давулв. Харһлтд эн төсвин медлд олн үртә өрк-бүлмүдиг дөңнлһнә, теднә җирһлин таал ясруллһна туст күцәгдсн керг-үүлдврмүдин тускар келгдв.
Харһлтыг Москва балһсна олн үртә өрк-бүлмүдин ниицәнә ахлач Наталья Карпович һардҗ давулв. Олн үртә өрк-бүлмүдин социальн харслтын, нилхд төрлһиг урмдуллһна, өнр-өсклң өрк-бүлмүдин чинр өөдлүллһнә төрмүдәр Әрәсән Орн-нутгин Хүүвин депутат Николай Земцов, РФ-н Советин Федерацин комитетин ахлачин дарук Татьяна Кусайко, җирһлин күнд таалд туссн бичкдүдиг дөңнлһнә саңгин правленя ахлач Марина Гордеева ухан-тоолврарн хувалцв. Олн үртә өрк-бүл мана орн-нутгт баһ тетквртә аль угай гисн төрәр Пермь, Санкт-Петербург балһсдын олна бүрдәцсин элчнр күүндврт орлцҗ, өнр-өсклң өрк-бүлмүдин дүриг сән таласнь үзүлх кергтә, иим улс талдан әмтнд үлгүр болх зөвтә гив.
Мана зәңгч