Намр күртл шиидхмн

10-06-2021, 09:46 | Таңһчин зәңгс » Зіњг

2021-ч җилин хулһн сарин 1 күртл таңһчд онц зөв эдлдг улс 2022-ч җилд социальн туслмҗиг (НСУ) ямр кевәр авхин туст шиидх зөвтә. Социальн туслмҗин ормд мөңгинь авч болхмн.

Темдглхәс, туслмҗин ормд бүклднь эс гиҗ зәрм әңгин туст мөңг авч болҗана. Юңгад гихлә зәрмдән социальн туслмҗиг авснь деер болна. Үлгүрнь, пенсионерт үнтә эм кергтә болхла, тер туслмҗиг авснь деер болхнь лавта. Түрүн болҗ социальн туслмҗ авх улс бас эрлһән орулҗ чадҗана. Кемр льгот олзлдг иргн урднь туслмҗин ормд мөңг авхар седхлә, пенсионн саңд дәкҗ ирх керг уга. Эрлһиг пенсионн саңгин клиентск цергллтд эс гиҗ МФЦ-д орулҗ болхмн.
Эндр НСУ-н кемҗән 1211,66 арслң тогтана. Эпидемиологическ күнд бәәдлиг учртан авч электронн сервис олзлҗ ПФР-т ирлго социальн туслмҗ авлһна эрлһән орулҗ болхмн гиҗ региональн ведомств селвг өгчәнә. ПФР-ин сайтд иргнә онц кабинетд электронн сервис бәәнә, терүнә дөңгәр социальн туслмҗиг ямр кевәр авх санан бәәхиг шүүҗ авч болхмн. Мана таңһчд бәәдг 27 миңһн федеральн льготник эн электронн туслмҗиг олзлҗ чадҗана.

Видео