Туслмҗиг амрар авч

10-06-2021, 09:48 | Таңһчин зәңгс » Зіњг

Коронавирусн гем тархагдснас иштә Әрәсән пенсионн саңд батлгдсн диг-даран 2021-ч җилин чилгч күртл хадһлгдхмн. Тегәд орн-нутгин иргнмүд цааранднь алс зәәһин кевәр туслмҗ авч чадхмн. Җилин туршарт әмтн пенсионн саңгин клиентск цергллтд болн шаңһа туслмҗин төвд ирлго пенсь болн социальн демин мөңг авлһна туст туслмҗ авчана. Эдн алс зәәһин кевәр иргнә онц кабинетд эс гиҗ телефоһар төрән хаһлҗана.

Пенсионн саң шаңһа зәңгллһнә реестр олзлҗ әмтнд пенсь болн социальн демин мөңг йилһҗ өгнә. Тиигәд гемтә-шалтгта улст пенсь болн зәрм социальн демин мөңгн эрмдгтә улсин федеральн реестр олзлҗ өггднә. Гемтә-шалгта күн ПФР-т зуг эрлһ орулҗ өгнә, цуг кергтә бәрмт цаасиг саң реестрәс болн эврәннь зәңгллһнә системәс авна. Эрмдгтә күн электронн эрлһ орулад, туслмҗ авч чадҗана, зәрм туслмҗиг эрлһн угаһар күргнә.

ДООҖАН Наталья

Видео