Урһц экләд хураҗана

01-07-2021, 12:31 | Таңһчин зәңгс » Зіњг

Ик Буурла, Приютна, Целинн болн Яшалтан райодт буудя хуралһна дааврта кем эклв. Хальмг Таңһчин Толһач Хаска Батун темдглсәр, урһц хуралһнд 700 һар комбайн орлцҗана. «Эн җил 497,8 миңһн тонн буудя хураҗ авх зура бәәнә. Тиигчкәд кесг шинҗләчнрин тоолврар зураг давулҗ сән урһц хураҗ авх арһ бәәнә», – гиҗ Бату Сергеевич зәңглв.
Таңһчин селәнә эдл-ахусин ору икдүллһнд Хальмгин селәнә эдл-ахун министерствин дөңгәр 77,3 сай арслң йилһгдв.
- Эннь мана эдл-ахусин төлә ик дөң болв. Селәнә эдл-ахуг делгрүлхин, һазрин чинр хадһлхин, инвестормудыг нааран авч ирхин төлә селәнә эдл-ахун һазрин то-дигиг чиклҗәнәвидн. Таңһчин селәнә эдл-ахун болн һазрин хәрлцәнә министерствс райодла хамдан эн халхар дигтә-дарата көдлмш күцәҗәнә. Тер мет эс олзлгдҗасн һазриг эдлврт оруллһна туст шиидвр авгдсн бәәнә, – гиҗ таңһчин Толһач немв.
Теңгрин бәәдл сән болхла урһц хуралһна кем така сарин эргцд төгсхмн гиҗ зуралгдҗана.
«Кеер көдлҗ йовх көдләчнрт ик ханлтан өргҗәнәвидн. Кеер көдлнә гидгтн, нег үлү иим һаң халунд, күнд көдлмш. Мана фермермүдин көдлмшнь сән күцәмҗтә болтха», – гиҗ Бату Сергеевич темдглв.

Мана зәңгч

Урһц экләд хураҗана

Видео