«Синергия» ик сурһульла нөкцхәр

08-07-2021, 17:04 | Таңһчин зәңгс » Зіњг

Шидр Хальмг Таңһчин Толһач Хаска Бату, Әрәсән Президентин медлд Хальмг Таңһчин зөвтә элч Картин Андрей болн таңһчин йиртмҗин көрңгин болн эргндк йиртмҗ харлһна министр Җамбин Очр «Синергия» ик сурһулин һардврла харһв.
– Бидн нөкцлтин халхар күүндвидн. Таңһчин әмтнә олн зүсн багин сурһуль-эрдмин эв-арһсин, тер тоод кергән эклҗәх болн дамшлтта арһлачнрин бизнес-сурһулин төр хәләгдв. Мана нөкцлт таңһчин экономикин делгрлтд урмд өгх гиҗ ицҗәнәв, – гиҗ таңһчин Толһач темдглв.
Тер мет харһлтд зуульчллһна халхар хамцу үүлдхин тускар күүндвр болв. Тиигәд ирх җилд бамб цецгин фестиваль давулгдх кемд «Синергия» ик сурһулин орлцлһтаһар олн зүсн керг-үүлдврмүд бүрдәгдхмн гиҗ зуралгдҗана. «Эн җил хаврар болсн фестивалин ашар бидн терүг цөөкн өдрин туршарт давулхар шиидвидн. Мана нег һазра улс болн таңһчин гиичнр авъяст тохрсн байрин керг-үүлдврт орлцҗ сән таалд амрч чадхин төлә бидн фестиваль давулгдх ормсиг икдүлхвидн», – гиҗ Бату Сергеевич немв.
Мана зәңгч

«Синергия» ик сурһульла нөкцхәр

Видео