Баһчудын Тик-Ток гер секгдхмн

07-08-2021, 15:14 | Таңһчин зәңгс » Зіњг

Эн җилд региональн мөрән марһанд коммерческ биш 26 бүрдәц дииләчнрин тоод орв. Хальмгин ниигмин күрәлңгсин делгрлтин марһанд орлцҗадг иим бүрдәцст мөңгнә субсидь өглһнә ашнь диглгдв. Марһанд орлцачнриг жюри чаңһар шинҗлв, гиҗ Хаска Бату темдглв.
Баһчудын Тик-Ток гер, «Цифровые кочевники» креативн индустрийин сурһуль, хальмг саадгин мастерской дииләчнрин тоод орв. Немхәс, мөрән мөңгәр хальмг келәр зәңгллһнә стендмүд тәвгдх болн хальмг туульс барас һархмн, гиҗ зуралгдҗана.
Җил ирвәс коммерческ биш бүрдәцст мөңгнә дем өггдәд, онц оньг тусхагдҗана. 2019-ч жилд 12 сай арслң йилһгдв, эн җил болхла 20 сай арслң өггдсмн, гиҗ Бату Сергеевич зәңглв. Хальмг Таңһчин баһчудын Төвин ул деер коммерческ биш бүрдәцс эврәннь төсв күцәҗ чадхин туст шишлң офис секгдв, энүнә нилчәр ирлцңгү бүрдәцс федеральн марһаст орлцҗ чадхмн, гиҗ таңһчин Толһач келв.
Эн халхар шин девсңд һарснь темдгтә. 2021-ч җилд 61 эрлһн орулгдсн билә, орлцачнр цугтан дииләчнрин тоод орҗ чадсн уга, зуг эдн марһана йовудт байн дамшлт хоршав, иргчдән эднә үүлдвр күцәмҗтә болх гиҗ Хаска Бату иткүлв.


ОЛЬДАН Цаһан

Видео