Келн-улсин кев-янзта зогсалмуд

07-08-2021, 15:19 | Таңһчин зәңгс » Зіњг

Эн җилд таңһчар келн-улсин кев-янзта 14 зогсал тосхгдхмн. Эн тооһас дөрвнь «Әәмшг уга хату девскртә хаалһс» келн-улсин төсвин йовудт күцәгдхмн. Хальмг Таңһчин тосхлһна, көлгнә болн хаалһин эдл-ахун министерствин зәңглсәр, ода деерән таңһчар шишлң павильонта 54 зогсал бәәнә, му бәәдлд 19-нь, 35-днь бат ясвр кергтә. Зогсалмудын ик зунь хөрн-һучн җил хооран тосхгдсн билә, эн учрар эрсмүднь шуурад, суудг сандлмуднь эвдрҗ одв.
Удл уга тосхлтд бооца батллһна туст аукцион болхмн. Зогсал болһнд павильон, талвң болн талдан тоот немгдхмн. Төсвин зураһар түрүләд арвн шин зогсал намр күртл тосхгдх, гиҗ таңһчин тосхлтын министерств зәңглв. Эн төсвд орсн зогсалмуд: Элст-Арзгир-Минеральные Воды; Утта-Үст-Цаһан Амн; Георгиевск-Буденновск-Улан Хол; Городовиковск-Тахта; Яшалта-Соленое-Дивное болн Городовиковск-Яшалта мөн. Яшалтан района Октябрьский, Приютна района Нарн Бурата хойр, Октябрьск района Восход селәдт зогсалмудын бат ясврин көдлмш эклсн бәәнә. 2022-2023-ч җилмүдт тиим зогсалмуд таңһчин талдан хаалһст бас тосхгдхмн, гиҗ зуралгдҗана.
Мана зәңгч

Видео