Мана сурһульч – дииләчнрин тоод

07-08-2021, 15:22 | Таңһчин зәңгс » Зіњг

Сурһуль-эрдмин болн номин төрәр РФ-н орн-нутгин Хүүвин комитетин ахлачин негдгч дарук Геннадий Онищенкон һардврт «Негдсн Әрәсә» партин «Хамдан кехмн» гидг экологическ җисәнә йовудт акц давулгдв.
Керг-үүлдврт Хальмгин сурһульчнр орлцв. Энүнә һол күслнь – дорас өсч йовх баһчуд дунд эрүл-мендин бәәдл батруллһн болн чик авг-бәрц делгрүллһн мөн. Региональн девсңгин йовудт нүүрләчнр олн зүсн эв-арһ олзлҗ кичәлмүд давулв, эн төрәр эврәннь ухан-седклән олнд медүләд ашнь диглгдв. Онц темдглхд, федеральн дииләчнрин тоод Яшкулин олн салврта гимназин 9-ч классин сурһульч Манҗин Элистина заагдв. Цуг дииләчнрлә хамдан Элистина «Артек» нарт-делкән бичкдүдин Төвд 10-ч селгәнд йовҗ амрхмн.

ОЛЬДАН Цаһан

Видео