Зургудын һәәхүл

07-08-2021, 15:39 | Таңһчин зәңгс » Зіњг

Н. Пальмовин нертә Келн-улсин музейд дарани һәәхүл секгдв. Хальмг зургч Евгения Леонован зургудла һәәхүлд ирсн улс таньлдв.
Шаҗна төрәр соньмсдг улст эннь йир соньн болҗана. Зургудт ик зуудан Энткгин әрүн һазрин бәәдл тодлгдҗ. Бурхн Багш түрүн болҗ номин цәәлһвр өгснь Сарнатх, Гегәрлтин хаалһд орхднь туслсн Бодгая болн шаҗнд шүтдг әмтн зуульчлҗ йовдг әрүн нань чигн ормс, Энткгин бәәдл-җирһл Евгения Леонован зургудт орв. Цагин бәәдлиг, йиртмҗин кемиг, бумбсин өңг -дүриг, әмтнә дүрмүдиг зургч ик дуртаһар цокҗ авсинь зургуд медүлҗәхин тускар бичәч Раиса Шурганова келнә.
Энткгин һазрт шаҗна сурһуль сурсн Йонтен гелңд эн зургуд тер цагинь тодлулҗ, үзсн тоотыг сергәҗ, даслт болсн һазриг зургчин нүдәр үзх арһ өгснднь ик тааста бәәхән медүлв.
Калачакран номд орхар Энткгин һазрт одхларн Евгения цуг эн зургудыг цокҗ авсмн. Шаҗнд шүтдг улст хәәртә һазрар йовад кесн зургуд соньн олн кемиг зургудт тодлулх таал учрасмн. Үзсн, медҗ авсн тоотарн олн әмтнлә хувалцх седклтәһәр Евгения зургудыннь һәәхүл кев. Һәәхүл һаха сарин һурвн күртл көдлхмн.

Видео