Иҗлин көвәһәр

07-08-2021, 15:40 | Таңһчин зәңгс » Зіњг

Нижний Новгород балһснас һарч йовсн этнографическ экспедиц Иҗлин көвәһәр бәәдг әмтиг зургудтан тодлулхар шиидв.
«Бурлацкий на Волге. Дорогами Максима Дмитриева» гидг экспедиц үүлдврән эклв. Иҗлин көвән һазрар бәәдг әмтнә бәәдл-җирһлиг үзүлх күсл эдн тәвсмн. ХIХ зун җилд, тиим холдк цагт үүлдҗәсн эврә һазра күүнә, билгтә зургч болн седкүлч, өдгә цага зургудын эклцинь тәвсн Максим Дмитриевин хаалһар эндрк седкүлчнр болн зургчнр йовҗана.
Экспедицд орлцачнр Цаһан Амнд ирәд һарсинь соңсад, мана кезәңк өвкнр медсн кевтә эн һазрт ирҗ бәәршсн болдг гиҗ сангдв. Хальмг эн хотнд кегдсн зургуд дунд Цаһан Амна хурлын ах багш Джинпа Гьяцон зург бас орсн бәәнә.
Экспедицд орлцачнрин келсәр, ут хаалһин туршарт цокҗ авгдсн зургуд шишлң һәәхүлмүдт үзүлгдхмн. Дәкәд эн зургудыг Орс географическ ниицәнә Санкт-Петербургд болн Нижний Новгородт бәәдг штаб-патьрмудт үзҗ болхмн. Эн йовлһна ашар видеофильм белдгдҗәнә.

Видео