Тиим юмн бас болдг...

07-08-2021, 15:42 | Таңһчин зәңгс » Зіњг

Һанц уласн гидг әрүн һазриг Хальмгт бәәтхә цуг Әрәсәд чигн меднә. Нааран ирдг улсин то баһрхш.
Пурдаш гелң суулһсн, ода зуунас үлү наста эн модн урһҗадг һазрт әмтн ирәд, мөргәд, бәрцән бәрәд һарна. Бәрц бәрдг яршгиг нег сөөһәр хулхалҗ авхар машитә залу ирәд, автомобильн трос олзлад, төмр яршгиг цементн уласнь һарһҗ авхар, күчн-чидлән олзлҗ …
Болв хулхачин хар санан күцсн уга. Тиим ичр уга үүл татхар седсн күүг хәәһәд, Әрәсән МВД-н Целинн райоһар үүлддг әңгин көдләчнр энүг олҗ авсмн. Бәәрн һазрин тер күүг бәрҗ авад, ода цуг кергтә сурлһ авлһна, яһад иим үүл һарһхар бәәснә туст мөшклһнә үүлдвр күцәгдҗәнә.
Тиим юмн бас болдгчн!

Белдснь ҖИРҺЛИН Кермн

Видео