Тууҗлгч чинртә гериг хадһлхар

27-08-2021, 13:54 | Таңһчин зәңгс » Зіњг

Хальмгин сойлын зөөрин объектс харлһна заллтын зәңглсәр, 1920-ч җилд така сард Яшкулин района Чилгр селәнд цуг хальмгудын түрүн съезд болсн гер харслһна төсв белдгдсн бәәнә. Эн герт хальмг улсин төлә тууҗлгч чинртә Советмүдин съезд болсмн, тегәд эн федеральн чинртә сойлын объект гиҗ тоолгдсмн.

Селәнә бәәрн улсин тодлврар эн герт эклц сурһуль, сойлын гер, хот уудг бәәрн, хувц уйдг мастерской үүлдҗ йовсмн, ода эн музей болҗана. Харм төрхд, гер нурҗах бәәдлд бәәнә. Бәәрн федеральн чинртә сойлын объект гиҗ тоолгдҗахас иштә терүг Әрәсән сойлын зөөрин объектмүдин то-дигт орулв, тегәд терүнд хамгин түрүнд ясврин көдлмш кех зөвтә.
Тууҗлгч чинртә объектиг харслһна төсвлә Хальмгин сойлын зөөрин объектс харлһна заллтын сайтд (okn.kalmregion.ru) таньлдҗ, oknrk@rk08.ru гидг электронн поштын хайгар эврәннь сүв-селвгән орулҗ болхмн.
Мана зәңгч

Видео