Хальмг келні марєанд ончрв

30-03-2023, 09:00 | Общество

Мана тањєчд хамгин ик чинрті хальмг келні олимпиад эн љил олн салврар давв. Хальмг келір болн утх-зокъялар болсн онц хойр марєанд эдн медрлін ўзўлв. Тер мет кесг райодас ирсн билгті сурєульчнр «Љањєр» алдр дуулврин бґлгўдин тасрха дуулљ ґгв, ґвкнрин ўўдісн дуулврин учр-утхинь яєљ меддгін бас уйн наста келмрчнр оњдан марєанд ўзўлв.

Хальмг келні марєанд урдк кевір Элстин Хальмг келн-улсин гимназин сурєульчнр йилєін сін медрлін ўзўлљ диилічнрин тоод орв. Тиигід, Хальмг келн-улсин гимназин 11-ч классин сурєульч Баина Шургучеева цуг дґрвн даалєвриг йилєін сіінір кўціљ 97,5 балл хоршав. Хойрдгч ормд Ик-Буурла сурєулин Делгр Олюшева єарв (87,5 балл), єурвдгч ормд Элстин 4-ч тойгта сурєулин элч Энгел Лахиева єарв (80 балл). Городовиковск балєсна 1-ч тойгта сурєулин элч Андрей Каськов хальмг сурєульчнрла хамдан сін медрлін ўзўлід, тањєчин олимпиадт тавдгч орм эзлснь бас йир сін темдг болв. Талдан сурєульчнрт тернь сін ўлгўр болљана.
Олимпиадын даалєвр зґвір нірн болв. Хальмгар келдгиг, тоолвран медўлдгиг, текстиг олзлљ чаддгиг, сойлын, авъясин, келні туск медрлін сурєульчнр ўзўлх зґвті біісмн. 3-ч – 8-ч классмудын талын келні сурєульчнрин тґлі онц даалєвр хілігдљіні, эдн хальмг кел дасчадг йовдл бас йир сін, тґрскн кел дасх талдан сурєульчнрин санаєинь сергіљіні. Хальмг сурєульчнр болхла гўўнір медлєні кґтлврір єардвр кељ олимпиадт орлцљана.
Дундын классмуд дунд бас дигті медрлірн Хальмг келн-улсин гимназин сурєульчнр йилєрід біів, болв эднлі ЭМГ-н, 12-ч сурєулин, этносойлын гимназин арвтнр чадмгар мейіркљ, хальмг ўлгўр, тууль сіінір меддгін ўзўлв. Тиим кевір эн дґрлдін љил ирвіс нірдід йовна, зуг тґрскн келні медрлін бас ясрулад йовх кергті.
Колледжмўдин оютнр чигн онц кґтлврір олимпиадт орлцљ медрлін гўўдўлљіні, тернь бас ик туста керг, тиим кевір арвтнр тґрскн келін цааранднь дасч ґргљўлљіні.
Эн љилин марєанд П.О.Чонкушовин нерті билг-эрдмин колледжин элч Айлана Бадмаева йилєрљ цуг даалєвриг 97 процентд кўців. Тер мет 2-4-ч ормсиг МГГЭУ-н Хальмг іњгин оютнр эзлљ нўўрт єарв, тернь бас йир сін ўзмљ, ик сурєулин багшнр эднд сін медрл ґгчіні гиљ келљ болхмн. Нурєлљдан Элстин колледжмўд нўўрлгч орм эзлхин тґлі чидлін болн медрлін сґрв. Лаганя политехническ болн Городовиковск балєсна олн салврта колледжмўд эднлі дґрлдљ чадв. Хальмг утх-зокъялар сін медрлін Кґтчнрі района Шатта селіні сурєулин 11-ч классин арвт Александр Семенов ўзўлљ диилічин кўндті нер зўўв. Лаганя 3-ч тойгта сурєулин нойхн Айлана Эргюева хойрдгч ормд єарв. Целинн района Троицкое селіні сурєулин элч Баина Топорова єурвдгчнь болв.
Алдр хальмг дуулвр «Љањєриг» сіінір меддг марєанд 7-11-ч классмудын сурєульчнр орлцв. 11-ч классин дґрлдіні йовудыг авад хіліхлі, энд диилічин ґґдін нериг Целинн района Троицкое гимназин элч Цаєан Оконова зўўв. Хойрдгч ормд Ўстин района Бергн селіні сурєулин нойхн Оксана Намруева єарв, диилічіс зуг 3 балл баєар хоршав. Єурвдгчнь Элстин 18-ч тойгта сурєулин элч Валерия Танктырова болв. Райодын элчнр тґрскн келін сіінір медљ нірн тоотыг дигтієір ціілєљ чадснь лавта. «Љањєр» дуулдг сурєульчнр хойр багд хувагдв, тер тоод 7-12 настань болн 13-17 наста уйн 10 келмрч дґрлдв. Ах багд Элстин 17-ч тойгта сурєулин элч Данир Баджаев диилічнь болв. Хойр кўн хойрдгч орм эзлв: Кґтчнрі района Тугтн селініс ирсн Мергн Сотаев болн Целинн района Троицкое гимназин элч Чингис Ностаев мґн. Троицкое гимназин элч Мергн Басханджиев болн Ўстин района Эрднихні сурєулин элч Ануш Болдырев єурвдгч ормд єарв. Тиим кевір келмрчнрин марєан йовуд авчана, энўні орлцачнрт иргч кесг марєанд кўцімљ дурдљанавидн.

ЉААХАН Бадм

Видео