Гер-бүүрин таал ясрулна

16-03-2023, 19:55 | Общество

Эн җилин эклцәс авн «Демография» гидг келн-улсин төсвин «Бичкдүд һарсн цагт дем күрглһн» гидг региональн төсвин медлд мана таңһчд 87 өрк-бүл экин региональн сертификатын мөңгиг олзлв. Эднд таңһчин бюджетәс 16571,9 миңһн арслң йилһв.
Региональн сертификатын кемҗән 2012-ч җилин туула сарин 1-әс авн 2018-ч җилин бар сарин 31 күртл региональн сертификат авх зөвтә болсн улсин төлә 77024,60 арслң тогтана. 2019-ч җилин туула сарин 1-әс авн 2026-ч җилин бар сарин 31 күртл тиим зөв бәәдг улст тернь 118444,93 арслң болна.
Нег җил күрсн нилх асрҗадг эк-эцкнрт региональн сертификатыг гер-бүүрин таал ясруллһнд, үрнәннь сурһульд, эмнлһнд, герүрн инженерн коммуникацс оруллһнд, ясврин көдлмш келһнд олзлх арһ бәәнә. Гер-ипотек бүүрин даңцалһнд сертификатыг үрнь һарсн цагас авн олзлҗ чадҗана.

БАТАН Сәәхлә

Видео