Элистинка һолыг цеврлв

13-04-2023, 09:37 | Общество


Элистинка һол ахр цагин болзгт цеврлгдв. Зураһар эн көдлмш 2025-ч җил күртл күцәгдх зөвтә билә. Зуг цеврлһнә керг-үүлдвр шулун гидгәр кегдв.

Ашлад келхлә 2023-ч җил эклхин өмн һол йисн дуунад цеврлгдв. Тер мет 1050 гер, 72 ЛЭП, сурһуль-эрдмин һурвн бүрдәц, һурвн АЗС, кесг лавкс болн хаалһ ус орлһнас гетлгдв.
Кергтә шиидвр һарһгдад көдлмш күцәгдв, энүнд орлцсн цуг улст ханлтан өргҗ, таңһчин Толһач Хаска Бату эднә үүлдвринь онц темдглв.
Одахн бальчг бәәсн һолд цевр усн һооҗҗана. Нег һазра улс, эн һолыг бичә бузрдатн, – гиҗ Бату Сергеевич дуудвр кев.
Элистинка һолын туст күцәгдҗәх төсвиг дөңнҗәдг Әрәсән йиртмҗин көрңгин болн экологин министр Александр Козловд Хаска Бату онц ханлтан өргв.

ОЛЬДАН Цаһан

Видео